Two Oceans se Pinot Grigio kry ‘n heupswaaiende salsa-maat!

Two Oceans-Wyne het die gewilde koskenner, Justine Drake, gevra om ’n eenvoudige maar liplekker-gereg met so ’n sweempie brandrissie uit te dink om die vrugtige en blommegeure van die nuwe oesjaar van die Pinot Grigio uit te lig.

Die wyn, helder met groen skynsels, stel homself bekend met subtiele aromas van blomme, sweempies lietsjie en gedroogde vrugte wat lei tot ’n vrugtige, sappige mondgevoel wat dit die ideale pasmaat maak vir enige gereg wat speserygeure ten toon stel.

Two Oceans Pinot Grigio is wyd beskikbaar en kos sowat R30 per bottel. Justine stel dit as pasmaat voor vir Italiaanse en ander Mediterreense disse.

Hierdie SASSI-vriendelike visgereg is ’n puik manier om familie en vriende mee te onthaal en benodig net ’n paar stappe.

GEBAKTE VISFILETTE MET GROEN SALSA

Bestanddele

VIS

8 visfilette, vel aan die een kant behou (SASSI se groengekodeerde vis soos geelstert, geboerde kabeljou, stokvis of knorhaan)

GROEN SALSA-MARINADE

2 knoffelhuisies

1 brandrissie

Sap en skil van 1 suurlemoen

’n Groot handvol platblaar-pietersielie

’n Handvol basiliekruid

Sout en gemaalde peper

¼ koppie (60 ml) olyfolie

Metode

Voorverhit oond tot 180°C

Meng marinade-bestanddele in ’n vermenger en sit eenkant

Plaas vis in ’n plat bak en smeer met marinade

Laat vir 30 minute marineer indien tyd dit toelaat

Bak vir 10 minute of totdat dit deurgekook is

Bedien op bruin of wilde rys saam met vars tamatie- en rooiuieslaai

Bedien 4

OM TE DRINK: Two Oceans Pinot Grigio

Vir meer heerlike seekosresepte gepaar met Two Oceans-wyne, besoek  www.twooceanswines.co.za of www.facebook.com/twooceanswines.  Vir meer inligting oor WWF SASSI, besoek www.wwf.org.za/sassi of die mobi-blad (wwfsassi.mobi). 

Einde