Rust en Vrede wen globale wyntoerisme-toekenning

Die Rust en Vrede-landgoed buite Stellenbosch is aangewys as algehele Suid-Afrikaanse wenner van die Great Wine Capitals Best of Wine Tourism-kompetisie.

Rust en Vrede deel ook internasionaal die titel as beste kelderrestaurant met die bekende Italiaanse restaurant in die Trebbio-kasteel in Chianti wat eens in die besit van die Medici-familie was.

Benewens Suid-Afrika en Italië, is die lede van die Great Wine Capitals-netwerk Frankryk, Spanje, Portugal, Duitsland, Argentinië en die VSA, met Nieu-Seeland as jongste lid.

Die onderburgemeester van die Kaapse Wynland-distriksmunisipaliteit, Clarence Johnson, het by ? middagete voorberei deur Rust en Vrede se sjef, David Higgs, die toekenning aan dié toonaangewende Stellenbosse landgoed oorhandig, asook aan al die ander Kaapse kategoriewenners.

Einde